इजरेली सेनाले सोमवार आफ्ना २४ जना सैनिक गाजामा मारिएका जनाएको छ जुन उसका लागि सो क्षेत्रमा जमिनमार्फत् सैन्य कारबाही सुरु गरेयताकै घातक दिन बनेको छ।
मारिनेमध्ये २१ जना जगेडा सैनिक छन् जो सम्भावित रूपमा एउटा धराप विस्फोटनका कारण मारिएका ठानिएको छ।
ती विस्फोटकलाई इजरेली सैनिकहरूले दुईवटा भवन ध्वस्त पार्नका लागि राखेको इजरेल डिफेन्स फोर्सेस (आईडीएफ)ले जनाएको छ।
प्यालेस्टिनी लडाकुहरूले त्यसको केहीअघि मात्र ती फौजको पहरा दिइरहेका ट्याङ्कमा प्रहार गरेको ठानिएको छ।
