सानेपा–२ ज्ञानोदय मोडस्थित सुरुष बस्नेतले बनाउँदै गरेको अपार्टमेन्टको १२औं तलाबाट खसेर एक जनाको मृत्यु भएको छ। पुल्चोकस्थित कृषि सूचना तथा सञ्चार केन्द्रको क्वार्टरमा बस्दै आएका झापा, सुरुङगा–८ का २० वर्षीय क्षितिज लिम्बुको मृत्यु भएको प्रहरीले जनाएको छ। अपार्टमेन्टबाट खसेर घाइते भएका उनको उपचारको क्रममा निदान अस्पतालमा मृत्यु भएको हो। यस सम्बन्धमा प्रहरीबाट आवश्यक अनुसन्धान भइरहेको छ ।
