आगामी आइतबारदेखि नेपाल टेलिकमले फोरजी सेवा सुरु गर्ने भएको छ।
पहिलो पटक टेलिकमले फोरजी सेवा आरम्भ गर्न लागेको हो। सेवाको आइतबार संचारमन्त्री राम कार्कीले उद्घाटन गर्ने कार्यक्रम रहेको छ।
हाल टेलिकमको थ्रीजी इन्टरनेट १२ एमबिपिएसमा संचालन भइरहेकोमा फोरजीको ३० भन्दा बढी पुग्ने बताइएको छ। सुरुवातमा काठमाडौं उपत्यकामा फोरजी सेवा सुरु हुने भएको हो।
काठमाडौंपछि पोखरामा टेलिकमले यो सेव सुरु गरी देशव्यापी बनाउने जनाएको छ। टेलिकमको फोरजी सेवाको शुल्क भने अहिलेसम्म तोकिएको छैन। आइतबार व्यवसायिक रुपमा नभई सफ्ट लन्च मात्रै हुने भएकाले मूल्य तय नभएको हो।