सौगात मल्ल उर्फ हाकुकालेको फरक अभिनय समावेश फिल्म ‘लुकामारी’को ट्रेलर सार्वजनिक भएको छ । यसअघि दुई गीत सार्वजनिक गरिसकेको निर्माण युनिटले प्रचारलाई नयाँ गति दिन ट्रेलर सार्वजनिक गरेको हो ।
फिल्मको सार्वजनिक ट्रेलरले कमेडी फ्लेभरको संकेत गर्छ । जहाँ सौगातलाई मधेसी युवकको अबतारमा देख्न सकिन्छ भने अर्का अभिनेता कर्मा पुरापुर नेवारी फ्लेभरमा छन् ।
फिल्ममा सौगात र कर्मासँगै सुरविना कार्की, रिस्ता बस्नेत लगायत लिड रोलमा छन् । श्रीराम दाहालले निर्देशन गरेको यो फिल्मलाई सुरजमान सिंहले निर्माण गरेका हुन् ।
