काठमाडौं, २२ बैशाख
बारा : निजगढ नगरपालिका–८ राईटोल बस्ने ३० वर्षीया दुर्गा घिमिरेलाई प्रहरीले १ किलो ६ सय ग्राम लागू औषध गाँजा सहित पक्राउ गरेको छ ।
प्रहरीले घिमिरेलाई मंगलबार आफ्नै घरमा लागूऔषध गाँजा बिक्रिवितरण गरीरहेको अवस्थामा फेला पारेको थियो ।

मकवानपुर : हेटौडा उपमहानगरपालिका–४ बस्ने ३९ वर्षीय सन्तोष गुप्तालाई प्रहरीले नियन्त्रित लागूऔषध २४ एम्पुल डाईजेपाम, २५ एम्पुल नोरफिन र २४ एम्पुल फेनरागन सहित पक्राउ गरेको छ ।
बिरगंजबाट हेटौडातर्फ आउंदै गरेको ना.१ ज ५२७० नम्बरको गाडीलाई मंगलबार रातोमाटेस्थित सडकमा चेकजांच गर्ने क्रममा उनको साथबाट उक्त लागू औषध बरामद भएको थियो ।
यस सम्बन्धमा स्थानीय प्रहरीले आवश्यक अनुसन्धान गरिरहेको छ ।