मोरङ। प्रभातकालीन समयमा (मर्निङ वाक)मा हिँडेका मान्छेलाई बचाउने क्रममा आज बिहान मोरङको पथरीमा एउटा ट्रक पल्टिएको छ ।
मालबाहक ट्रक पल्टिँदा ट्रकका सहचालकसहित तीनजना घाइते भएका छन् । पूर्वबाट पश्चिम जाँदै गरेको ना१ख ८९६७ नंको ट्रक पथरी–शनिश्चरे–१ स्थित पूर्वपश्चिम राजमार्गमा पल्टिएको हो ।
ट्रक पल्टिएर दुर्घटना हुँदा ट्रकका सहचालक झापा दमक बेलडागीका ३९ वर्षीय हर्कबहादुर विक, ट्रकमा सवार पथरी शनिश्चरे–१ का ५२ वर्षीय शिव राई र तेह्रथुम वसन्तपुर–४ का ३१ वर्षीय विजय लिम्बू घाइते भएका छन् । उनीहरुको पथरीमै उपचार भइरहेको छ । ट्रकका चालक फरार रहेकाले उनको खोजी भइरहेको इलाका प्रहरी कार्यालय पथरीले जनाएको छ ।
