एजेन्सी। भारतमा जारी टी–२० विश्वकप क्रिकेटमा दक्षिण अफ्रिकाले सुखद विदाई लिएको छ ।
प्रतियोगिताबाट बाहिरिइसकेको दक्षिण अफ्रिकाले समूह चरणबाटै आउट भइसकेको अर्को टोली श्रीलंकालाई ८ विकेटले हराएको हो ।
दिल्लीमा भएको खेलमा पहिले ब्याटिङ गरेको श्रीलंकाले १९ दशमलव ३ ओभरमा अलआउट हुँदै १२० रन मात्रै बनाउन सक्यो । श्रीलंकाको लागि तिलकरत्ने दिलशानले ३६ रन जोडे ।
जवाफमा १२१ रनको सामान्य लक्ष्य दक्षिण अफ्रिकाले १७ दशमलव ४ ओभरमा २ विकेट गुमाएर पुरा गर्यो ।
टी–२० विश्वकपमा बुधबारदेखि सेमिफाईनल चरणका खेलहरु हुनेछन् । बुधबारको पहिलो सेमिफाईनलमा न्यूजिल्याण्ड र इङ्ल्यान्ड भिड्नेछन् भने बिहीबार हुने दोस्रो सेमिफाइनलमा भारत र वेष्ट इण्डिज प्रतिस्पर्धा गर्नेछन् ।
