एजेन्सी। ट्वान्टी ट्वान्टी विश्वकप क्रिकेटमा इंग्ल्याण्डले दक्षिण अफ्रिकालाई २ विकेटले पराजित गरेको छ। विश्वकप क्रिकेट अन्तर्गत मुम्बईको वानखडे स्टेडिएममा गएराति भएको खेलमा २३० रनको लक्ष्य पछ्याएको इंग्ल्याण्डले दक्षिण अफ्रिकामाथि २ विकेटको रोमाञ्चक जित हात पारेको हो।
टस हारेर पहिले व्याटिङको निम्तो पाएको दक्षिण अफ्रिकाले निर्धारित २० ओभरमा ४ विकेट गुमाउँदै २ सय २९ रन जोडेको थियो। दक्षिण अफ्रिकाले दिएको २३० रनको विजयी लक्ष्यका साथ जवाफी व्याटिङमा उत्रिएको इंग्ल्याण्डले १९ दशमलब ४ ओभरमा ८ विकेट गुमाउँदै लक्ष्य भेट्टायो।
