एजेन्सी। बलिउडका चर्चित नायकहरुसँग काम गर्न नपाएर खासै चर्चामा आउन नसकेकी नायिका हुन् सन्नी लियोनी । उनको पुरानो छविका कारण पनि बलिउडका सुपरस्टारहरु उनीसँग काम गर्न रुचाउँदैनन् ।
अब, भने उनलाई ठूलो अवसर मिलेको छ । भारतको चर्चित पत्रिका मुम्बई मिररका अनुसार सन्नी लियोनी अब बलिउड नायक साहरुख खानसँग देखिने भएकी छिन् ।
साहरुख खान अभिनित चलचित्र ‘रइस’मा एउटा आइटम गीत हुने भएको छ । जसमा सन्नीले आइटम नृत्य गर्ने पक्का भएको मिररको दाबी छ । ‘कुर्वानी’ चलचित्रमा समावेश ‘लैला ओ लैला’ बोलको गीतलाई ‘रइस’का मेकरले नयाँ ढंगबाट प्रस्तुत गर्ने भएका छन् ।
जसका लागि यो गीतको अनुमती पनि लिइसकिएको छ । यो गीतमा आइटम नृत्य गर्नका लागि सन्नी पनि तयार भएकी छिन् । अर्को महिना २ दिनको सेड्यूलमा यो गीतको छायांकन हुनेछ । गीतमा साहरुख खान पनि हुनेछन् ।
चलचित्र ‘रइस’मा साहरुख गुजराती डनको भूमिकामा देखिएका छन् । उनको डन अवतार र सन्नीको सेक्सी अवतारले यो गीतलाई कती चर्चामा ल्याउँछ, हेर्न बाँकी छ ।
