चितवन। चितवनको कविलासमा कार अनियन्त्रित भई सडक किनारको नालीमा खस्दा एक जनाको मृत्यु भएको छ ।
मृत्यु हुनेमा तनहुँ जिल्ला व्यास नगरपालिका–२ बस्ने वर्ष ७० का कृष्णप्रसाद घिमिरे रहेको जिल्ला प्रहरी कार्यालय चितवनले आज जनाएको छ ।
कार्यालयका अनुसार मुग्लिनबाट नारायणगढतर्फ आउँदै गरेको बा १ च ९४७४ नम्बरको कार अनियन्त्रित भई चितवनको कविलास–४ सेतीदोभानमा सडक किनारको नालीमा ठोक्किन पुगेको थियो ।
घिमिरेको चितवन मेडिकल कलेज भरतपुरमा उपचारका क्रममा मृत्यु भएको प्रहरीले जनाएको छ । मृतक घिमिरेकी श्रीमती ६५ वर्षीया जया घिमिरे घाइते भएको र उहाँको चितवन मेडिकल कलेजमा उपचार भइरहेको छ ।
कार चालक हस्तबहादुर घर्ती क्षेत्री भने जिल्ला प्रहरी कार्यालय चितवनको नियन्त्रणमा रहेका छन् ।
