काठमाडौं। नेपाल आयल निगमले मंगलबारदेखि चार दिनसम्म निजी मोटरसाइकल रस्कूटरलाई इन्धन दिने भएको छ । निगमले मंगलबार, बिहीबार, शनिबार र सोमबार चार लिटरका दरले लट नम्बरअनुसार इन्धन बिक्री गर्ने योजना बनाएको छ।
 निगमका प्रवक्ता मुकुन्द घिमिरेका अनुसार मंगलबार एक लटदेखि २५ सम्म, बिहीबार २६ देखि ४० सम्म, शनिबार ४१ देखि ५५ सम्म र सोमबार लट संख्या ५६ माथिका सबै मोटरसाइकल र स्कूटरलाई इन्धन दिइनेछ।
सवारीधनीले इन्धन लिन सवारी साधनको नवीकरण गरिएको ब्लूबुक ल्याउनु पर्नेछ। निगमले उपत्यकाका सरकारी र निजी गरी ३९ वटा पम्पबाट इन्धन वितरण गर्ने व्यवस्था मिलाएको छ।