महोत्तरीको औरही गाविस–३ स्थित जङ्घापुल नजिकै दुईवटा बम फेला परेका छन् ।
औरही–गौशाला सडकखण्डमा पर्ने जङ्घापुलको एकसय मिटर पश्चिम सो बम फेला परेको जिल्ला प्रहरी कार्यालय महोत्तरीले जनाएको छ। प्रहरीले अहिले साँझ ६ बजेदेखि सो सडकखण्डमा आवतजावत बन्द गराएको छ ।
अहिले बम निस्क्रिय गर्न जिल्लाको पर्कौलीस्थित नेपाली सेनाको फस्ट राइफल गणबाट बम डिस्पोजल टोली घटनास्थल गइरहेको प्रहरी उपरीक्षक जनक भट्टराईले जानकारी दिए। बम कस्ले राख्यो भन्नेबारे अनुसन्धान जारी रहेको उनले जानकारी दिए। रासस
