मकवानपुर। हेटौँडा उपनगरपालिका-२३ हर्नामाडीमा आगलागी हुँदा भीमबहादुर वाइवाको दुई वटा घर जलेर नष्ट भएको छ।
बिहीबार बिहान भएको आगलागीबाट दुईवटा घरमा खाद्यान्न, लत्ताकपडा, भाँडावर्तनलगायत नगदसहित करिब रु १० लाखसहितको क्षति भएको जिल्ला प्रहरी नियन्त्रण कार्यालयले जनाएको छ।
उक्त आगलागी नियन्त्रणमा लिन हेटौँडाबाट गएको दमकल र स्थानीय बासिन्दाको प्रत्यक्ष सहयोगबाट करिब एक घन्टापछि आगो नियन्त्रणमा लिएको प्रहरीले जनाएको छ। रासस
