बुटवल। पूर्वपश्चिम राजमार्गअन्तर्गत रुपन्देहीको देवदहमा यात्रुवाहक बस दुर्घटना हुँदा एकजना यात्रुको मृत्यु भएकोे छ। दुर्घटनामा परी ८ जना घाइते भएका छन्। घाइतेमध्ये तीनजनाको अवस्था गम्भिर रहेको पश्चिम क्षेत्रीय ट्राफिक प्रहरी कार्यालय बुटवलले जनाएको छ।

 प्रहरीका अनुसार धनगढीबाट काठमाडौँ जांदै गरेको ना.४ ख २५१५ नं. को रात्रिबस देवदह ८ शितलनगरमा सडकमा अनियन्त्रित भई दुर्घटनाग्रस्त भएको हो।
मृतकको साथमा रहेको परिचयपत्रको आधारमा मृतक संयुक्त राष्ट्र संघमा कार्यरत रेणु शाक्य रहेको प्रहरीले जनाएको छ। राति करिब पौने तीन बजेतिर भएको उक्त दुर्घटनापछि बस सडकबाट बायाँतर्फ पल्टिएको प्रहरीले जनाएको छ।