काठमाडौं । त्रिभूवन विश्वविद्यालयले बि.ए. तेस्रो बर्षको परिक्षाफल बिहीबार सार्वजनिक गरेको छ। परिक्षा सकिएको २ महिना २५ दिनमा परिक्षाफल प्रकाशीत गरिएको उपनियन्त्रक दावा शेर्पाले जानकारी दिए।
उपनियन्त्रक शेर्पाले ५२ प्रतिशत भन्दा बढी परिक्षार्थी उत्तिर्ण भएको जानकारी दिए।
तराईका कतिपय क्याम्पसमा प्रयोगात्मक परिक्षा गराउन नसक्दा केहि क्याम्पसको नतिजा रोकिएकाले उत्तिर्ण हुने प्रतिशत बढ्ने उनले बताए।
नतिजा सार्वजनिक गर्न ढिलाई गर्नेआरोप लागेको त्रिविले यसपटक समयमै नतिजा सार्वजनिक गरेको हो।
