एजेन्सी । बलिउड अभिनेत्री सोनम कपुरले अभिनेता ऋतिक रोशनसँग चलचित्रमा काम गर्ने चाहना व्यक्त गरेकी छन्। ऋतिकसँग रोमान्टिक भिडियो ‘धीरेधीरे’ मा काम गरिसकेकी सोनमलाई उनीसँग चलचित्रमा काम गर्ने रहर जागेको हो।
लोकप्रिय र्यापर योयो हनी सिंहले गाएको गीतको भिडियोमा यी जोडी खुब जमेका छन्। सो भिडियो यूट्यूबमा दुई करोडभन्दा बढीले हेरिसकेका छन्।
भिडियो सार्वजनिक भएपछि दर्शकको प्रतिक्रियाबाट हौसिएका ऋतिकले पनि शुक्रबार ट्विट गर्दै सोनम कपुरलाई ‘दुई करोड पार गरिसकेपछि अब के गर्ने’ भनेर प्रश्न गरेका छन्।
सोनम पनि के कम ऋतिकको प्रश्नको उत्तर दिँदै ‘चलचित्रमा सँगै काम गर्ने बारेमा के विचार छ ? ‘ भनेर सोधेकी छन्। सोनम र ऋतिकको यो भिडियो सेप्टेम्बर फस्टमा यूट्युबमा आधिकारिक रूपमा टी सिरिज च्यानलबाट सार्वजनिक गरिएको थियो।
