वीरगन्ज ,भदौ १५ । वीरगञ्जस्थित नारायणी उपक्षत्रीय अस्पताल परिसरभित्रै गोली चलेको छ । गोली लागेर अस्पतालका सहयोगी विनोद महतो र अस्पताल परिसरमा खटिएका अइतबरिया देवी घाइते भएका छन्। महतोको पिठ्युँ र चौधरीको खुट्टामा गोली लागेको बताइएको छ।
प्रदर्शनकारीले सिक्टा, बन्जाडी र भिस्वामा प्रहरी चौकी तोडफोड गर्नुका साथै आगजनीसमेत गरेका छन्। आन्दोलनकारीले विभिन्न गाउँमा रहेका तिनवटा खाली प्रहरी चौकीमासमेत आगजनी गरेका छन्। प्रर्दशनकारीले चौकीभित्र रहेका प्रहरीको लुगाकपडाहरु जलाइदिनुका साथै घरमासमेत आगजनी गरेको नारायणी अञ्चल प्रहरी कार्यालयका प्रमुख एसएसपी मनोज न्यौपानेले बताए।
