काठमाडौं । उन्नाइस वर्षमुनिको साफ च्याम्पियनसिपको फाइन प्रवेशका लागि नेपालले आज अफगानिस्तानसँग प्रतिस्पर्धा गर्ने छ । मंगलबार भएको खेलमा भारत माल्दिभ्सलाई हराउँदै समूह बीको विजेता बनेपछि समुह एको विजेता नेपालले अफगानिस्तान प्रतिद्वन्द्वी पाएको हो ।नेपाल र अफगानिस्तानबीचको सेमिफाइन खेल आज दिउँदो १२ बजेपछि हुनेछ ।
समुह बी को विजेता बनेको भारतले सेमिफाइनलमा समुह एको उपविजेता बंगलादेशसँग प्रतिस्पर्धा गर्ने छ । भारत र बंगलादेशबीचको दोस्रो सेमिफाइनल खेल आजै दिउँसो साढे तीन बजेपछि हुनेछ । सेमिफाइनलका विजेताले उपाधिका लागि भदौ १२ गते शनिबार प्रतिस्पर्धा गर्नेछन् ।
