काठमाडौं । नेपाली चलचित्र क्षेत्रकी पुरानी एवं चर्चित नायिका गरिमा पन्तले आफू अभिनित नयाँ चलचित्र ‘तीन घुम्ती’मा काम गर्न पाउँदा खुशी लागेको बताइन् ।
गरिमाको करिअरलाई उकालो लगाएको ‘झोला’पछि उनले सफल चलचित्र दिन सकिनन् । यसैले पनि गरिमाका लागि ‘तीन घुम्ती’ विशेष हुने पक्का छ । चलचित्रको पत्रकार सम्मेलनमा गरिमा केही खुशी देखिएकी थिइन् ।
बाबुराम ढकालको निर्देशनमा तयार भएको यो चलचित्रमा कर्मा प्रोडक्शनको लगानी छ । चलचित्रमा सामिप्यराज तिमिल्सिनाको पटकथा तथा संवाद, रामेश्वर कार्कीको छायांकन, विपिन मल्लको सम्पादन, बसन्त सापकोटाको संगीत, डाक्टर कृष्णहरि बरालको गीत छ ।
स्वर्गिय साहित्यकार विश्वेश्वर प्रसाद कोइरालाको चर्चित कृती ‘तीन घुम्ती’को कथामा बनेको यो चलचित्रमा गरिमा पन्तको अलवा धु्रव दत्त, सुशान्त कार्की, भुवन चन्द, मदनदास श्रेष्ठ, लक्ष्मी गिरी, तीर्थ थापाको अभिनय छ ।
