बार्सिलोना ।  कोलम्बियन गायिका साकिरा अब आफ्ना पार्टनरका साथमा बार्सिलोनामा बसोबास गर्ने भएकी छन्। पपस्टार साकिरा र उनका पार्टनर स्पेनका फुटबलर गेरार्ड पिकेले बार्सिलोनामा घर किनेका छन्।
स्पेनको बार्सिलोना क्लबबाट फुटबल खेल्ने पिके र साकिरा सन् २०१० देखि नजिक छन्। वाकावाका गर्ल साकिरा र गेरार्डले गत वर्षदेखि नै घर खोजिरहेका थिए।
गत वर्ष नै साकिराले त्यो घर किन्‍न खोजेकी थिइन्। तर धेरै मूल्य भएकाले उनले किनेकी थिइनन्, आफ्नो सम्पत्ति नबिकेपछि यसका मालिकले आधाभन्दा कम दाम घटाएर साकिरालाई नै बेचे।
उनीहरूले एक करोड १९ लाख भनेकामा त्यसको आधा दाममा नै उनीहरूलाई मिलेको हो। उनीहरू चाँडै नै नयाँ घरमा सर्ने बताइएको छ।बार्सिलोनामा उनीहरूको छिमेकी बन्नेछन्, बार्सिलोनाकै अर्का खेलाडी तथा ब्राजिलियन फुटबल स्टार नेमार।
नेमारको बार्सिलोनास्थित निवास पनि साकिराको नयाँ घरनजिकै छ। दक्षिण अफ्रिकामा सन् २०१० को विश्वकपको शीर्ष गीत ‘वाकावाका’ गाएपछि साकिराको प्रतिष्ठा अझ चुलिएको थियो।
यही समयमा उनले स्पेनी फुटबल खेलाडीलाई आफ्नो ब्वाइफ्रेन्डका रूपमा पाइन्। गेरार्ड साकिराभन्दा १० वर्ष कान्छा छन्। यसअघि उनी अर्जेन्टिनी वकिल एन्टोनियो डे ला रुआसँग केही समय डेटिङ गएकी थिइन्।गत जनवरीमा ३८ वर्षीया साकिरा दोस्रो बच्चाको आमा बनेकी थिइन्।एजेन्सी