१० साउन, काठमाडौं ।आयरल्याण्डमा जारी आइसीसी टी–२० विश्वकप छनोट क्रिकेट प्रतियोगिताको उपाधिका लागि आज नेदरल्याण्ड र स्कटल्याण्ड भिड्दै छन् ।
नेपाली समय अनुसार बेलुकी सात बजेदेखि सुरु हुने उपािध खेलमा स्कटल्याण्ड पहिलो पटक फाइनलमा पुगेको हो भने नेदरल्याण्ड २००८ मा आयरल्याण्डसँग संयुक्त रुपमा विजेता बनिसकेको छ ।
शनिबार राति भएको सेमिफाइनल भिडन्तमा साविकको विजेता आयरल्याण्डलाई ५ विकेटले हराउँदै नेदरल्याण्ड फाइनलमा प्रवेश गरेको थियो । पहिलो सेमिफाइनलमा स्कटल्याण्डले हङकङलाई ५ विकेटले पराजित गरी फाइनलमा पुगेको थियो ।
