काठमाडौं, जेठ २७ ।आईसीसी विश्वकप ट्वान्टी /२० छनोट चरणका लागी १५ सदस्यीय क्रिकेट टोलीको घोषणा गरिएको छ । आगामी जुलाई ३ देखी २६ सम्म आयरल्याण्ड र स्कटल्याण्डमा सञ्चालन हुने प्रतियोगिताका लागी पारस खड्काको कप्तानीमा नेपाली टोलीको घोषणा गरिएको हो । सिद्धान्त लोहनीले पहिलो पटक राष्ट्रिय टोलीमा स्थान बनाएका छन । टिममा अनिल मण्डल, जितेन्द्र मुखिया र प्रदिप ऐरिले पुनरागमन गरेका छन् ।
अन्य सदस्यमा ज्ञानेन्द्र मल्ल, सरद भेषावकर, वसन्त रेग्मी, सोमपाल कामी, करन केसी, सुवास खकुरेल, शक्ति गौचन, सागर पुन, बिनोद भण्डारी र राजेश पुलामी मगर छन् । मेहवुव आलम, पृथु वास्कोटा, भुवन कार्की र अविनाश कर्णलाइ बैकल्पिकमा राखिएको छ ।
२२ सदस्यिय प्रारम्भिक टोलीबाट सौरभ खनाल, महेश क्षत्री र हरिशंकर शाह बाहिरिएका छन । पुवुदु दाशानायके मुख्य प्रशिक्षक रहेको टोलीको बलिङ कोच बिनोद दास र व्याटिङ कोचमा भारतका मोन्टी देशाई रहने छन् ।
