बाङ्ग्लादेश गत एकहप्तादेखि अशान्त छ।
एउटा सडक दुर्घटनामा दुई विद्यार्थीहरूको मृत्यु भएपछि सुरु भएका विरोध प्रदर्शनहरू जारी रहेका छन्।
धेरैजसो युवाहरू सहभागी विरोध प्रदर्शनको माग सरकारले सडक सुरक्षाको अवस्थामा सुधार गर्न तत्काल कदम चालोस् भन्ने रहेको छ।
यो आन्दोलनले सरकार र विरोधीहरूबीच द्वन्द्वको अवस्था सिर्जना गरिदिएको छ भने एक करोड ८० लाख बासिन्दा रहेको राजधानी ढाकाका सडकहरूमा हिंसात्मक घटनाहरू भएका छन्।