ऐजेन्सी असार २९ । आइएस आतंककारी सगंठनले आफ्ना लडाकुलाई तालिम दिने क्रममा एक बच्चालाई बमले उडाएका छन् ।
इराकी सञ्चार माध्यमका अनुसार उत्तरी इराकको सलाहुद्दीन स्थित एक तालिम केन्द्रमा बच्चालाई बमले उडाइएको हो । बच्चाको उमेर ५ देखी १० बर्षको बिचमा रहेको बताइएको छ ।
सो बच्चाको शरिरमा बम बाधेर रिमोट कन्ट्रोल डेटोनेटरको माध्यमबाट विस्फोट गरिएको बताइएको छ । आतंककारी लडाकुले आइइडी असेम्बल गर्न सिकेको समाचारमा बताइएको छ ।
आइएस आतंककारी लडाकुले बुबी ट्रयापिङ मेकानिज्मको विषयमा तालिम लिएको थाहा भएको दियाला प्रान्तका सेक्यूरिटी कमिटीका प्रमुख सादिक अल हुसेनले बताएका छन् ।
आफ्ना लडाकुको हत्या गरेको आरोपमा आइएसले हत्या गरिएका बच्चाको बाबुको पनि हत्या गरेको तर आमाको अवस्था के छ भन्ने विषयमा भने थाहा हुन नसकेको बताइएको छ ।