नेपालगंज २४ जेठ । नेपालगञ्जस्थित राँझा विमानस्थलमा आइतबार अपरान्ह आगलागी भएको छ । अपरान्ह करिब ५ बजेबाट लागेको आगो अझै नियन्त्रणमा आएको छैन ।

विमानस्थलको धावनमार्ग नजिकैको घाँसे मैदानमा लागेको आगो फैलिएपछि विमानस्थल बन्द गरिएको छ । आगो फैलिएपछि राँझाबाट काठमाडौं र काठमाडौंबाट नेपालगञ्जका सबै हवाई उडान रोकिएको छ ।

नेपाल प्रहरीका प्रवक्ता नायव महानिरीक्षक कमल सिंह बमले राँझा विमानस्थलमा आगलागी भएको पुष्टि गर्दै नियन्त्रणमा लिने प्रयास जारी रहेको बताए ।