२० जेठ, काठमाडौं । गत वैशाख १२ र २९ गतेको भूकम्पमा मृत्यु हुनेको संख्या ८ हजार ७ सय नाघेको छ । बुधबार विहान ११ बजेसम्मको विवतरण अनुसार भूकम्प मृत्यु हुनेको संख्या ८ हजार ७०२ छ ।

मृतक ८ हजार ६७७ जनाको शव आफन्तलाई बुझाइ सकिएको प्रहरीले जनाएको छ । भूकम्पबाट ज्यान गुमाउनेहरुमा उपत्यकामा १ हजार ७२९, पूर्व क्षेत्रमा ५८, मध्य क्षेत्रमा ६ हजार ४५८, पश्चिम क्षेत्रमा ४५५ र मध्यपश्चिम क्षेत्रमा २ जना रहेका छन् ।

भूकम्पमा २२ हजार ४९३ जना घाइते भएका छन् । घाइते हुनेहरुमा उपत्यकामा १३ हजार १७, पूर्वक्षेत्रमा ४५२, मध्य क्षेत्रमा ७ हजार ७४४, पश्चिम क्षेत्रमा १ हजार २४२, मध्यपश्चिम क्षेत्रमा ३६ र सुदूरपश्चिम क्षेत्रमा २ जना रहेका छन् । घाइतेमध्ये ४५८८ जना विभिन्न अस्पतालमा उपचाररत छन् ।

हालसम्म १८९ जना नेपाली नागरिक र ८० जना विदेशी नागरिक बेपत्ता छन् ।